ஒரு நடிகை, ஒரு கொலை, 70 வருஷம்..! புரியாத மர்மம்..! நடந்தது என்ன..?

                             

                                                     எலிசெபத் சார்ட்

1947 ஆம் ஆண்டு எலிசெபத் சார்ட் (இவரே ப்ளாக் டாலியா என அழைக்கப்படுகிறார்) என்பவர் மர்மமான முறையில் கொல்லப்பட்டார். இந்த வழக்கின் குற்றவாளி கண்டுப்பிடிக்கப்படவில்லை. இது ப்ளாக்டாலியா கொலை வழக்கு என்று அழைக்கப்படுகிறது. இது லாஸ் ஏஞ்சல்ஸ் வரலாற்றிலேயே மிகவும் பழமையான வழக்காக பார்க்கப்படுகிறது. அமெரிக்காவில் நடந்த மிக கொடூரமான கொலைகளில் இதுவும் ஒன்றாகும்.

இந்த கொலை நடந்த பின்னர் பல ஆண்டுகளாக போலீஸ், பத்திரிக்கைகள் மற்றும் புலனாய்வு துறைகள் என பலர் இந்த வழக்கால் ஈர்க்கப்பட்டனர். ப்ளாக் டாலியாவை கொன்றது யார் என தெரியாவிட்டாலும் 1947 இல் மிக பிரபலமாக இருந்த வழக்குகளில் இது மிக முக்கியமான வழக்காகும்.

 எலிசெபத் கொலை வழக்கு

15 ஜனவரி 1947 ஆம் ஆண்டு எலிசெபத் ஹார்டின் சிதைந்த உடல் லாஸ் ஏஞ்சல்ஸ்க்கு வெளியே ஒரு குடியிருப்பு பகுதியில் கண்டுப்பிடிக்கப்பட்டது. ஒரு தாய் தனது குழந்தையுடன் செல்லும்போது அந்த பிணத்தை கண்டறிந்தனர். அவரது உடல் துண்டிக்கப்பட்டு அவரது குடல்கள் அகற்றப்பட்டு இருந்தன. அவருடைய தோல்கள் வெட்டப்பட்டிருந்தன. அவரது வயிறு முழுக்க மலம் நிறைந்து இருந்தது.

அந்த இடத்தில் ரத்தம் என்பதே இல்லை. அவரது உடல் மொத்தமாக சீரழிக்கப்பட்டிருந்தது. இதனால் காவலர்கள் மற்றும் துப்பறிவாளர்கள் அவர் வேறொரு இடத்தில் கொலை செய்யப்பட்டதாக முடிவு செய்தனர். கொலையாளி அந்த பெண்ணின் வாயை காதுவரை வெட்டி ஜோக்கர் போல ஆக்கி இருந்தார்.

பிறகு எலிசெபத்தின் உடலில் இருந்த கைரேகைகள் யாருடையது என தேடப்பட்டன. இதற்காக அமெரிக்க போலீஸ் குழு எஃப்.பி.ஐ யிடம் உதவியை நாடியது. எஃப்.பி.ஐ அவரை பற்றிய பல விஷயங்களை கண்டறிந்தது. இறப்பதற்கு முன்பு 1943 இல் எலிசெபத் அமெரிக்க ராணுவத்தில் சேருவதற்காக விண்ணப்பித்திருந்தார். சாண்டா பார்பரா காவல் துறையால் சிறிய வயதில் மது அருந்தியதற்காக கைது செய்யப்பட்டார்.

அவரது உடலை கண்ட சிறிது நேரத்திலேயே அவரை குறித்த இந்த தகவல்களை எஃப்.பி.ஐ வழங்கியது. அதன் பிறகு பத்திரிக்கைகளும் அவரை பற்றிய விவரங்களை கண்டறிந்து வெளியிட்டன.

 பத்திரிக்கை விசாரணை

ஊடகங்கள் எலிசெபத்தின் கொலை வழக்கு மீது ஈடுபாடு காட்டியது. அவர் பாலியல் வன்கொடுமை செய்யப்பட்டதாக அவர்கள் எலிசெபத் முத்திரை குத்தினர். எலிசெபத் பாலியல் ரீதியாக ஆண்களை ஏமாற்றி வந்ததாக அவர் மீது குற்றம் சாட்டினர்.

திரையரங்கில் வெளியான “த ப்ளு டாலியா” என்னும் திரைப்படத்தை பார்த்த எலிசெபத் அதன் ஈர்ப்பால் எப்போதும் கருப்பு ஆடைகளையே அணிந்திருப்பாராம். பிறகு இதனால் அவர் ப்ளாக் டாலியா என அழைக்கப்பட்டார். எலிசெபத்தின் உடல் கண்டுப்பிடிக்கப்பட்டு ஒரு வாரத்திற்கு பிறகு லாஸ் ஏஞ்சல்ஸ் எக்ஸாமினர் என்னும் பத்திரிக்கையின் ஆசிரியரான ஜேம்ஸ் ரிச்சர்ட்சனுக்கு ஒருவர் போன் செய்து தன்னை கொலையாளி என கூறிக்கொண்டார்.

அவர் எலிசெபத்தின் நினைவு பரிசுகளை அஞ்சலில் அனுப்ப போவதாக கூறினார். அடுத்த நான்கு நாட்களில் அந்த ஆசிரியருக்கு அஞ்சலில் உறை ஒன்று வந்தது. அதில் எலிசெபத்தின் பிறப்பு சான்றிதழ், வணிக அட்டைகள், புகைப்படங்கள், முகவரி புத்தகம் ஆகியவை இருந்தன.

இதனால் இந்த விவகாரம் சூடு பிடித்தது. இதற்காக லாஸ் ஏஞ்சல்ஸ் போலீஸ் துப்புகளுக்காக நூற்றுகணக்காண இடங்களில் சோதனை செய்தது. 60க்கும் மேற்பட்ட நபர்களிடம் வாக்குமூலம் வாங்கியது. மேலும் 12 க்கும் மேற்பட்ட நபர்களை சந்தேகத்தின் பேரில் விசாரித்தது. ஆனால் யாரையும் கைது செய்யவில்லை.

பிளாக் டாலியா இரவில் தனியாக நடந்து செல்லும்போது கொலை செய்யப்பட்டதாக பெரும்பாலான மக்கள் நம்பினர். ஆனால் 70 ஆண்டுகள் ஆகியும் ப்ளாக் டாலியா கொலை வழக்கு இன்னும் தீர்க்கப்படவில்லை.

 தந்தையின் செய்கையை கண்டறிந்த மகன்

90 களின் பிற்பகுதியில் லாஸ் ஏஞ்சல்ஸின் ஓய்வுப்பெற்ற காவல் துறை அதிகாரியான ஸ்டீவ் ஹோடல் என்பவர் தனது தந்தையின் பொருட்களை எடுத்துக்கொண்டிருக்கும் போது எலிசெபத் ஷார்ட்டோடு தொடர்புடைய ஒரு புகைப்படத்தை பார்த்தார். ஆனால் அவரது தந்தை அப்போது இறந்திருந்தார். ஆனால் ஸ்டீவ் அதற்காக அமைதியாக இல்லை. அவர் தனது தந்தை குறித்தே விசாரணை நடத்த துவங்கினார். இந்த வழக்கிற்காக அவர் செய்தித்தாள் காப்பகங்கள் சென்றார். மற்றும் சாட்சிகளை நேர்காணல் செய்தார்.

 மேலும் அவர் தகவல் அறியும் சட்டத்தின் கீழ் “ப்ளாக் டாலியா கொலை வழக்கு” தொடர்பான கோப்புகளை கேட்டு விண்ணப்பம் அனுப்பினார். ஆனால் அவர் ஓய்வு பெற்ற அதிகாரி என்பதால் எஃப்.பி.ஐ கோப்புகளை கொடுக்க மறுத்துவிட்டது.

 ஆனாலும் அவர் விடுவதாக இல்லை. ஒரு கையெழுத்து நிபுணரை அழைத்து கொலையாளி எழுதிய கடிதத்தில் உள்ள கையெழுத்தோடு தனது தந்தையின் கையெழுத்தை வைத்து ஒப்பிட்டு பார்த்தார். அதன் மூலம் தனது தந்தை அந்த கடிதத்தை எழுதியிருப்பதற்கான வாய்ப்புகள் இருப்பதை ஸ்டீவ் கண்டறிந்தார்.

 எலிசெபத்தின் புகைப்படங்களை வைத்து பார்க்கும்போது அவரது உடலானது ஹெமி கார்போ ரெக்டோமி என்னும் முறையில் வெட்டப்பட்டிருந்தது தெரியவந்தது. இது உடலை இடுப்பு முதுகெலும்பிற்கு கீழ் இரண்டாக பிரிக்கும் மருத்துவ முறையாகும். ஸ்டீவின் தந்தையும் 1930 களில் மருத்துவ பள்ளியில் பயின்ற ஒரு மருத்துவர் ஆவார்.

மேலும் ஸ்டீவ் யு.சி.எல்.ஏ மருத்துவ மையத்தில் தனது தந்தை குறித்த ஆவணங்களை தேடினார். அதில் அவரது குழந்தை பருவ வீடு தொடர்பான பல்வேறு ரசீதிகள் நிறைந்த கோப்பு ஒன்றை கண்டறிந்தார். அதில் எலிசெபத் கொலைக்கு இரண்டு நாட்கள் முன்பு அவரது தந்தை ஒரு பெரிய பை வாங்கியதற்கான ரசீது இருந்தது.

 அதே ப்ராண்டை சேர்ந்த பை எலிசெபத்தின் உடலுக்கு அருகிலும் கண்டெடுக்கப்பட்டிருந்தது. கொலையாளி அந்த உடலை கொண்டு செல்வதற்காக இந்த பையை பயன்படுத்தியிருக்கலாம் என அதிகாரிகள் நம்பினர். ஸ்டீவ் இந்த விசாரணையை துவங்கிய காலத்தில் எலிசெபத் காலத்தில் அந்த வழக்கில் ஈடுப்பட்ட காவல் அதிகாரிகள் அதிக பேர் இறந்திருந்தனர். இறுதியாக ஸ்டீவ் 2003 ஆம் ஆண்டு தனது அனைத்து ஆதாரங்களையும் தொகுத்து “ப்ளாக் டாலியா அவெஞ்சர். த ட்ரூ ஸ்டோரி”. என்ற புத்தகத்தை வெளியிட்டார்.

இதன் பின்பு லாஸ் ஏஞ்சல்ஸ் டைம்ஸின் கட்டுரையாளரான ஸ்டீவ் லோபஸ் இந்த புத்தகத்தின் உண்மை நிலையை சரிப்பார்க்க போலீஸ் கோப்புகளை கோரி விண்ணப்பம் அனுப்பினார். இந்த கொலை வழக்கில் ஜார்ஜ் ஹோடலோடு ஆறு நபர்கள் மீது ஸ்டீவ் ஹோடல் சந்தேகம் வைத்திருந்தார்.

ஜார்ஜ் ஹோடலின் இல்லத்தில் 1950 இல் பதிவு செய்யப்பட்ட ஒரு ஆடியோ ஆதாரம் கிடைத்தது. அதில் முக்கியமான ஒரு உரையாடல் இடம் பெற்றிருந்தது. அதில் ஜார்ஜ் ஹோடல் பேசும்போது “நான் ப்ளாக் டாலியாவை கொன்றேன். ஆனால் அதை அவர்களால் கண்டுப்பிடிக்க முடியாது. ஏனெனில் அவள் இறந்துவிட்டாள்” என்று அவர் கூறினார்.

 இதன் மூலம் தனது தந்தைதான் எலிசெபத்தை கொன்றார் என்று உறுதிப்பட கூறினார் ஸ்டீவ் ஹோடல். மேலும் அவர் தன் தந்தையை குறித்து விசாரிக்கிறார். இதுக்குறித்து அவர் ஒரு டஜன் பிற கொலையாளிகளின் விவரங்களை சேகரித்ததாகவும் அதன் மூலம் தனது தந்தை ஒரு மோசமான தொடர் கொலையாளி என கண்டறிந்ததாகவும் கூறுகின்றார்.

 

லெஸ்ஸி தில்லன் தான் பிளாக் டாலியாவை கொன்றாரா?

 2017 ஆம் ஆண்டு பிரிட்டிஷ் எழுத்தாளரான பியு ஈட்வேல் பழமையான ப்ளாக் டாலியா வழக்கிற்கு தீர்வு கண்டதாக கூறினார். அவர் தனது கண்டுப்பிடிப்புகளை கொண்டு “ப்ளாக் டாலியா- த ரெட் ரோஸ், தி கிரைம், க்ரப்சன் அண்ட் கவர் அப் ஆஃப் அமெரிக்கா க்ரேட்டஸ்ட் அன்சால்வ்டு மர்டர்” என்கிற புத்தகத்தை வெளியிட்டார்.

 அவரின் கூற்றுப்படி இதன் உண்மையான குற்றவாளி லெஸ்ஸி தில்லன் என்பவர் ஆவார். கொலை நடந்த ஆரம்பத்தில் இவர் மீது விசாரணை நடத்தப்பட்டது. ஆனால் அவர் விடுவிக்கப்பட்டார். மட்டுமன்றி கொலையாளியை தாண்டியும் இந்த வழக்கில் நிறைய விஷயங்கள் இருப்பதாக புயு ஈட்வேல் கூறுகிறார்.

 ஈட்வெல்லின் கூற்றுப்படி மார்க் ஹேன்சன் என்பவரால் எலிசெபத்தை கொல்ல அனுப்பப்பட்ட ஆள்தான் தில்லன். அவர் ஒரு கூலிப்படை மட்டுமே. மட்டுமன்றி மார்க் ஹேன்சனும் சந்தேக நபர் பட்டியலில் இருந்தார். இவர் ஒரு திரையரங்கின் முதலாளி ஆவார்.

 ஹேன்சன் “ஹாஃப்” வே என்னும் வகை வீட்டில் வாழ்ந்தார். லாஸ் ஏஞ்சல்ஸில் புகழ் தேடும் நட்சத்திரங்கள் அப்போதைய காலக்கட்டத்தில் பெரும்பாலும் இந்த ரக வீடுகளிலேயே குடியிருப்பார்கள். எலிசெபத்தின் கொலைக்கு முன்பு அவர் தனது நண்பருடன் அங்கு தங்கியிருந்ததாக கூறப்படுகிறது.

 ஹேன்சன் எலிசெபத் மீது மோகம் கொண்டதாக ஈட்வேல் அவர் மீது குற்றம் சாட்டினார். அவர் தொடர்ந்து எலிசெபத்தை அவமானப்படுத்தி வந்தார். அதன் பின்னர் எலிசெபத்தோடு ஆன சண்டையின் காரணமாக அவர் லெஸ்ஸி தில்லனை அழைத்தார்.

 அதற்கு முன்பு லெஸ்ஸி தில்லன் பிணவறையில் வேலை செய்து வந்தார். அங்கு உடல்களை உலர வைப்பது மற்றும் அவற்றை சிதைப்பது குறித்து அவர் அறிந்திருந்தார். இவற்றை போலீஸ் பதிவுகளில் இருந்து ஈட்வெல் கண்டுப்பிடித்தார்.

 பொது மக்களுக்கு தெரியாத குற்றம் குறித்த பல விவரங்களை தில்லன் கொண்டிருந்தார். தில்லன் குறித்து பல ஆதாரங்கள் இருந்திருந்த போதிலும் போலீஸார் ஒருபோதும் அவரை விசாரிக்கவில்லை. மார்க் ஹேன்சனின் உறவு காரணமாகவே தில்லன் விடுவிக்கப்பட்டார் என்று ஈட்வேல் கூறுகிறார்.

 எலிசெபத் கொலை குறித்து விசாரித்த அதிகாரிகளுக்கு ஹேன்சன் அதிகளவில் பணம் கொடுத்து ஊழல் செய்ததாக ஈட்வேல் கூறுகிறார். ஈட்வெல்லின் கோட்பாட்டிற்கு உள்ளூர் மோட்டலில் நடந்த ஒரு குற்றக்காட்சி ஆதாரமாக அமைந்தது. ஈஸ்டர் அந்த மோட்டலின் உரிமையாளரான ஹென்றி ஹாப்மேனிடம் இருந்து ஒரு முக்கியமான அறிக்கையை கண்டார்.

 15 ஜனவரி 1947 அன்று காலை ஹாப்மேன் மோட்டல் அறைகளுக்கான கதவை திறந்தபோது அந்த அறை முழுவதும் இரத்தம் மற்றும் மலம் சிதறிக்கிடந்ததாக கூறுகிறார். ஒன்பது அறைகளில் இரத்த கறையுடன் கூடிய பெண்களின் ஆடைகள் கிடந்தததை அவர் கண்டார். இதுக்குறித்து போலீஸாருக்கு புகாரளிப்பதற்கு பதிலான ஹாஃப்மேன் அவற்றை சுத்தம் செய்தார்.

 இந்த நிகழ்வுக்கு நான்கு நாட்கள் முன்பு தனது மனைவியை அடித்ததற்காக ஹாஃப்மேன் கைது செய்யப்பட்டார். எனவே மீண்டும் போலீஸ் விவகாரத்தில் மாட்ட அவர் விரும்பவில்லை. அதன் படி மூன்றாவது அறையில்தான் எலிசெபத் கொலை செய்யப்பட்டார் என ஈட்வேல் நம்புகிறார்.

 ஆனால் இவற்றை எந்த சாட்சிகளும் நிரூபிக்கப்படாவிட்டாலும் எலிசெபத் உடல் கண்டுப்பிடிக்க படுவதற்கு முன்னர் தில்லன் எலிசெபத் உடன் மோட்டலில் காணப்பட்டதாக கூறுகிறார். ஆனால் ப்ளாக் டாலியா கொலை வழக்கோடு தொடர்புடைய அனைவரும் இறந்துவிட்டதால் ஈட்வெல்லின் கோட்பாடுகள் நிரூபிக்கப்படவில்லை. மேலும் பல முக்கிய ஆவணங்கள் மற்றவர்கள் பார்வைக்கு தெரியாமல் அரசால் பூட்டப்பட்டுள்ளன.

 ஆனாலும் ஈட்வேல் தனது கண்டுப்பிடிப்புகளின் மீது நம்பிக்கை கொண்டிருந்தார். அவர் மர்மமான ப்ளாக் டாலியா வழக்கை தீர்த்துவிட்டதாக நம்பினார். உண்மையில் ப்ளாக் டாலியாவை கொன்றது யார் என யாருக்கும் தெரியவில்லை என்றாலும் இந்த கோட்பாடுகள் சில வாய்ப்புகளை முன் வைக்கின்றன. சரியான விசாரணை நடக்கும் பட்சத்தில் உண்மை வெளியே வர வாய்ப்பிருக்கிறது.

 இப்படியாக ஒரு டெடிக்டிவ் படம் போல அதேசமயம் முடிக்க முடியாத வழக்காக ப்ளாக் டாலியா வழக்கு உள்ளது

 

புயலுக்கு எப்படி பெயர் வைக்கிறார்கள்..?

• ஒவ்வொரு வருடம் மழைக்காலம் வந்தவுடன் எதாவது புயல் உருவாகிக் கொண்டே தான் இருக்கிறது. வங்கக் கடலில் காற்றழுத்தத் தாழ்வு நிலை, தாழ்வு மண்டலம், புயல் என செய்திகள் வரத் தொடங்கிவிடும். மறக்காமல் வரும் புயலுக்கு ஒரு பெயரும் அறிவித்திருப்பார்கள். பெயர் சொல்லி அழைத்தால் அருகில் வருவதற்கு அது குழந்தையா? பின்னர், எதற்கு புயலுக்குப் பெயர் வைக்க வேண்டும்? இந்தப் பெயர்களை எல்லாம் எப்படி, யார் வைக்கிறார்கள்? பார்க்கலாம்.

   

  உலகத்தின் பெருங்கடல்கள் அனைத்திலும் உருவாகும் புயல்கள் வெவ்வேறு பெயரில் அழைக்கப்படுகிறது. உதாரணமாக இந்தியப் பெருங்கடலில் உருவாகும் புயல்கள் ஆங்கிலத்தில் Cyclone எனப்படும். அதே போல் அட்லாண்டிக் கடலில் உருவாகும் புயல்கள் Hurricane எனவும், பசிபிக் பெருங்கடலில் வரும் புயல்கள் Typhoon எனவும் அழைக்கப்படுகின்றன.
  
  

  வருடா வருடம் உலகம் முழுவதும் வீசும் புயல்களில் பெரும்பாலானவை பெரும் சேதத்தினை ஏற்படுத்தகூடியவை. புயலின் பாதிப்பு, முன்னெச்சரிக்கை ஏற்பாடுகள் குறித்த விவரங்களை பதிவு செய்து வைப்பதற்கு இந்தப் பெயர்கள் பயன்படுத்தப்படுகின்றன. இந்தியாவில் புயல்களுக்கு பெயர் வைக்கும் முறை 2004 – ஆம் ஆண்டு முதல் வழக்கத்தில் இருக்கிறது.
  
  

  சுவிட்சர்லாந்தின் ஜெனீவா நகரில் அமைந்துள்ள சர்வதேச வானிலை ஆராய்ச்சி மையம்உலகம் முழுவதிலும் நிலவும் தட்பவெட்ப நிலைகளைக் கண்காணித்து வருகிறது. இந்த அமைப்பில் 191 நாடுகள் அங்கம் வகிக்கின்றன. இந்த அமைப்பு உலகத்தினை 7 தட்பவெட்ப மண்டலங்களாக பிரித்துள்ளது. அதில் இந்தியா,” வட இந்தியப் பெருங்கடல்” மண்டலத்தில் இடம்பெற்றிருக்கிறது. இந்தியா உட்பட வங்கதேசம், மியான்மர், மாலத்தீவு, பாகிஸ்தான், ஓமன், இலங்கை, தாய்லாந்து ஆகிய 8 நாடுகள் இந்த மண்டலத்தில் இணைக்கப்பட்டிருக்கிறது.
  
  

  இந்த எட்டு நாடுகளும் எட்டு பெயர்கள் கொண்ட பட்டியலை தயாரித்து வைத்திருக்கிறது. மொத்தம் 64 பெயர்கள் பட்டியலிடப்பட்டிருகின்றன. இந்தியப் பெருங்கடல் பகுதியில் புயல்கள் உருவாகும்போது இந்த அட்டவணையிலிருந்துதான் பெயர்கள் தேர்ந்தெடுக்கப்படுகின்றன. இதனை இந்திய வானிலை ஆராய்ச்சி மையம் கண்காணிக்கிறது. ஒவ்வொரு புயலின்போதும் வரிசைக் கிரமமாக பட்டியலில் இருந்து பெயர்கள் வைக்கப்படுகின்றன.

   

   கஜா என்ற பெயரை பரிந்துரை செய்தது இலங்கை ஆகும்.2004-ஆம் ஆண்டு வெளியிடப்பட்ட புயல்களின் பெயர் பட்டியல் ஆம்பன் புயலுடன் முடிவுக்கு வந்தது. இதனையடுத்து, 2020-ஆம் ஆண்டு முதல் உருவாகும் புயல்களுக்கு 64 பெயர்களின் பட்டியல் உருவாக்கப்பட்டுள்ளது. அந்தப் பட்டியலின் கீழ் தான் வருகிறது நிவர், புரெவி புயல்கள் பெயர்கள் எல்லாம்.